गुरुपौर्णिमा

आज गुरुपौर्णिमेच्या शुभदिनी विद्यावाचस्पती श्री. शंकर अभ्यंकर सरांची भेट घेऊन त्यांचे आशीर्वाद घेण्याचा योग आला, हे माझं भाग्यच समजतो ! विद्यावाचस्पती, विचारवंत आणि समाजप्रबोधनासाठी आयुष्यभर झटणारे असे श्री. शंकर अभ्यंकर हे केवळ एक शिक्षक नाहीत, तर मूल्यांचा वारसा जपणारे मार्गदर्शक आहेत! त्यांच्या विचारांची खोली, भाषेवरील प्रभुत्व आणि अभ्यासपूर्ण दृष्टिकोन यामुळे ते आज अनेकांच्या जीवनात प्रेरणास्थान ठरले आहेत.

सामाजिक प्रश्नांवर त्यांची अभ्यासपूर्ण मते आणि तितक्याच संवेदनशीलतेने केलेले मार्गदर्शन आजही माझ्यासारख्यांना दिशा देणारे आहे. त्यांनी घडवलेली विद्यार्थ्यांची आणि विचारांची पिढी हीच त्यांच्या कार्याची खरी ओळख आहे. आज त्यांच्याशी झालेल्या संवादातून पुन्हा एकदा जाणवलं, गुरु ही केवळ शहाणपण देणारी संस्था नसून, आयुष्याला दिशा देणारा दीपस्तंभ असतो!

गुरुपौर्णिमेच्या या पवित्र दिवशी कृतज्ञता व्यक्त करत नतमस्तक होऊन वंदन करतो!